Тақырыптар: Әйел

Атың жақсы болса,
Ер жігіттің пырағы,
Балаң жақсы болса,
Жан мен тәннің шырағы.
Қызың жақсы болса,
Жайқалып өскен құрағы.
Әйелің жақсы болса,
Бірінші - иманың,
Екінші - жиғаның,
Үшінші - ырысыңның тұрағы.

Автор: Төле би

Айдарлар: Ер   Әйел   Қыз   Бала  

Әйел — ердің тәңірі, жарата да алады, сүйдіре де алады, күйдіре де алады.

Автор: Мағжан Жұмабаев

Айдарлар: Ер   Әйел  

Мәдениеттілігің мәртебелі әйеліңе қалай қарайтыныңмен өлшенеді.

Автор: Максим Горький

Айдарлар: Әйел   Мәдениет  

Әйелдің өз перзентін үйретіп, өсіруге ұмтылуы қанында бар және оған мұнымен бірге осыған сай қабілет бар.

Автор: Константин Дмитриевич Ушинский

Айдарлар: Әйел   Перзент   Қабілет  

Әйелің — көңілдесің емес, бүкіл ғұмырлық досың, әрі серігің, демек, оны біз егде тартқан әйел болған шағында да, кемпір болған кезінде де сүюге ерте бастан ойланып, дағдылана білуіміз ләзім.

Автор: Виссарион Григорьевич Белинский

Айдарлар: Әйел   Көңілдес   Кемпір  

Табиғат әйелге былай дейді: қолыңнан келсе сұлу бол, қаласаң дана бол, ал саналы, ақылды болуға міндеттісің.

Автор: Пьер де Бомарше

Айдарлар: Әйел   Ақылды   Табиғат   Сұлу  

Әйел мен еркек арасында достық болмайды, көңілдестік болмаса.

Автор: Оноре де Бальзак

Айдарлар: Достық   Әйел   Еркек   Көңілдес  

Әйелге әмірін жүргізе білген — мемлекетті де басқара алады.

Автор: Оноре де Бальзак

Айдарлар: Мемлекет   Әйел  

Адамды бұзатын не? Тағы сол атақ, ақша, арақ. Осы үшеуі. Төртіншісі әйел демеймін. Алғашқы үшеуінің буына бөртіп, әйелдерді біз - еркектер бұзамыз. Қартайғанда адам соқа басы сорайып жалғыз қалады. Өйткені қыз күйеуге кетеді, ұлды келін әкетеді. Сонда сенен атақ, ақша, абырой, бала - бәрі безгенде, қыңқ етпестен қалқайып қасыңда қалатын бүкіш кемпірің ғана болады. Адам боп сүрген аз дәуреніңді - елу жас па, жүз бе, бәрі бір оны - аяқтап, мәңгі келмеске бірге аттанар сенімді серігің де сол! Сол жалғыз серігіңе өмірде адал болмағаның өзіңе ауыр, одан айырылып, жалғыз қалғаның одан да қиын! Мұны еркектер ойлауы керек!

Автор: Бауыржан Момышұлы

Айдарлар: Ақша   Адам   Әйел   Еркек  

Әйел асқақтаса - жылайды, еркек асқақтаса - құлайды.

Автор: Ғабит Мүсірепов

Айдарлар: Әйел   Еркек   Жылау  

Жақсы жігіт ел – жұртының қаласындай,
Жақсы әйел әмме жұрттың анасындай
Жақсыға ешкімнің де жаттығы жоқ,
Көреді бәрін де өз баласындай.

Автор: Сүйінбай Аронұлы

Айдарлар: Әйел   Жігіт   Жақсы  

Мінсіз күйеу - мінсіз әйелім бар деп есептейтін еркек

Автор: Шоу Джордж Бернард

Айдарлар: Әйел   Еркек   Күйеу  

Үй ішін жаман әйел тұмандатар,
Домалап әрбір жерде құмандатар.
Тазалық бұл әйелде болмаған соң,
Күнәға жігіт адам сонда батар.

Автор: Ақан Сері Қорамсаұлы‎

Айдарлар: Әйел   Күнә   Тазалық  

Жәнібек хан тағы бір әңгіме үстінде: - Бұл дүниеде кімнің төрт құбыласы тең болмақ? - деп сұрайды. Сонда Жиренше шешен:

- Бұл дүниеде жүйрік аты, қыран құсы бар, өзі сұлу, мінезді қатыны, бес атар мылтығы бар жігіттің төрт құбыласы тең болады, ханым, - депті.

Автор: Жиренше шешен

Айдарлар: Әйел   Қыран   Қару   Жылқы  

Хан өзінің нөкерлерімен серуендеп келе жатқанда алдынан сақалы ақ, шашы қара бір адам кездесіп, сәлем береді. Былай шыққан соң хан қасындағыларға қарап:

- Әлгі адамның сақалының ақ, шашының қарасы қалай? - деп сұрайды: Сонда Жиренше:

- Үйде кейінген, түзде тебінген, қатыны жаман, аты шабан бір бейбақ шығар, - депті.

Автор: Жиренше шешен

Айдарлар: Әйел   Сақал  

Мен үшін ең қиын соғыс — әйелім Оливиемен болған соғыс.

Автор: Ескендір Зұлқарнайын

Айдарлар: Әйел   Соғыс  

Жер бетіндегі ең нәзік дүние – әйелдің махаббаты. Бір қателік, жағымсыз сөз, қату қабақ – бітті, сезімнің күлі көкке ұшқаны!

Автор: Ремарк Эрих Мария

Айдарлар: Әйел   Қателік   Махаббат   Нәзік  

Мына нәрсе есіңде болсын, қарақ: ешқашан, ешқашан, тағы да бір рет ешқашан сүйген әйелің үшін жасаған кез келген әрекетіңмен оның көзінде күлкілі болуың мүмкін емес.

Автор: Ремарк Эрих Мария

Айдарлар: Әйел   Әрекет  

Сүйсең, әйелді пір тұт. Сүймесең, жайына қалдыр. Басқасының – бәрі өтірік.

Автор: Ремарк Эрих Мария

Айдарлар: Әйел   Өтірік  

Ешкісі семіз, қойы арық-мал сорлысы,
Топырағы сортаң, суы ащы — жер сорлысы,
Әйелі семіз, ері арық — ел сорлысы.

Автор: Сырым Датұлы

Айдарлар: Әйел   Қой   Жер   Семіз  

Күшті махаббат қана күйеудің бойындағы кінəратты жеңеді. Күшті махаббаты бар ақылды, сабырлы əйел ғана жаман жігіттен жар жасап алады. Содан кейін олар бірінің айтқанынан бірі шықпай сыйласымды, тату-тəтті өмірді бастарынан кешіреді. Бұл жолда əйелдің көп қажыр, қайраты жұмсалады. Ол жақсы жарды содан соң барып табады. Адам бойындағы, əсіресе қыз бойындағы қасиет ана берген тəрбиеден ғой.

Автор: Әзілхан Нұршайықов

Айдарлар: Әйел   Қыз   Махаббат   Ана  



Афоризмді іздеу

Афоризм қосу

Айдарлар

Авторлар бойынша афоризмдер

Топ авторлар

bootsnipp

Лев Николаевич Толстой

(28.08.1828 – 07.11.1910)
bootsnipp

Аристотель

(01.01.0384 – 01.01.0322)
bootsnipp

Бауыржан Момышұлы

(24.12.1910 – 10.06.1982)
bootsnipp

Хелен Адамс Келлер

(27.06.1880 – 01.06.1968)
bootsnipp

Ансел Адамс

(20.02.1902 – 22.04.1984)
bootsnipp

Элберт Грин Хаббард

(19.06.1859 – 07.05.1915)
bootsnipp

Исаак Ньютон

(25.12.1642 – 20.03.1727)
bootsnipp

Дуглас Адам

(11.03.1952 – 11.05.2001)
bootsnipp

Фрэнсис Бэкон

(21.01.1561 – 09.04.1626)
bootsnipp

Чарльз Буковски

(16.08.1920 – 09.03.1994)

© 2014 Ойлар

Яндекс.Метрика