Адамның басы бәлеге ұрынған кездегі ең жақсы қамал - адал достар

Айдарлар: Адам   Дос   Бәле  

Адамды бұзатын не? Тағы сол атақ, ақша, арақ. Осы үшеуі. Төртіншісі әйел демеймін. Алғашқы үшеуінің буына бөртіп, әйелдерді біз - еркектер бұзамыз. Қартайғанда адам соқа басы сорайып жалғыз қалады. Өйткені қыз күйеуге кетеді, ұлды келін әкетеді. Сонда сенен атақ, ақша, абырой, бала - бәрі безгенде, қыңқ етпестен қалқайып қасыңда қалатын бүкіш кемпірің ғана болады. Адам боп сүрген аз дәуреніңді - елу жас па, жүз бе, бәрі бір оны - аяқтап, мәңгі келмеске бірге аттанар сенімді серігің де сол! Сол жалғыз серігіңе өмірде адал болмағаның өзіңе ауыр, одан айырылып, жалғыз қалғаның одан да қиын! Мұны еркектер ойлауы керек!

Айдарлар: Ақша   Адам   Әйел   Еркек  

Балпаң да балпан кім баспас — басарға балтыр шыдамас,
Батырмын деп кім шаппас— шабарға жүрек шыдамас.

Айдарлар: Жүрек   Батыр  

Кешірім сұрау – сенікі бұрыс, онікі дұрыс дегенді білдірмейді. Бұл менмендігіңнен гөрі екеуара сезімнің тым қымбат екендігін ғана көрсетеді.

Айдарлар: Өркөкірек   Сезім   Кешіру  

Әйел қанша сұлу болса, сонша адал болуы керек, өйткені оның сұлулықтан көрер кесірін адалдық қана жеңе алады.

Айдарлар: Әйел   Адалдық  

Атадан ұл туса игі,
Ата жолын қуса игі.
Өзіне келер ұятын,
Өзі біліп тұрса игі.
Жаудан бұққан немені,
Ортасына қуса игі!

Айдарлар: Жау   Ұл   Ата  

Үй сатып алсаң - көршіңе қара, жер сатып алсаң - суына қара.

Айдарлар: Жер   Су   Үй   Көрші  

Атың жақсы болса,
Ер жігіттің пырағы,
Балаң жақсы болса,
Жан мен тәннің шырағы.
Қызың жақсы болса,
Жайқалып өскен құрағы.
Әйелің жақсы болса,
Бірінші - иманың,
Екінші - жиғаның,
Үшінші - ырысыңның тұрағы.

Айдарлар: Ер   Әйел   Қыз   Бала  

Оқысы білім бұлағы,
Оқыса елдің ұланы,—
Тірілтіп, елге жан бітіп,
Елі үшін жұмақ қылады.

Айдарлар: Білім  

Жақсымен дос болсаң,
Алдыңнан шығар елпектеп...
Жаманмен дос болсаң,
Сыртыңнан жүрер өсектеп.

Айдарлар: Дос   Жаман   Өсек   Жақсы  

Тоғыз жасар Жетес тоқсандағы Төле биге сәлем бере барыпты: сонда Төле би былай деген екен: - Бата - басқа, қына - тасқа, ақыл - жасқа, не қалайсың, балам? - депті. Сонда Жетес бала: - О, қасиетті, баба! - Ат берсеңіз өліп қалады, тон берсеңіз тозып қалады. Ат, тонға бергісіз өлмейтін, өшпейтін, өмірі естен кетпейтін бір өсиет айтсаңыз соған ризамын, - депті. Онда колыңды жай, балам, - деп Төле би:
Бір үйдің баласы болма,
Көп үйдің санасы бол!
Бір елдің атасы болма,
Бар елдің данасы бол!
Бір тонның жағасы болма,
Көп көлдың ағасы бол!
Ақты ақ деп бағала, аумин,
Қараны карала
Өзегің талса өзен бойын жағала,
Басыңа іс түссе көпшілікті шағала.
Өзіңе-өзің кәміл бол.
- Халқыңа әділ бол,
Жауыңа катал бол!
Досыңа адал бол!

Айдарлар: Ел   Бата   Өсиет  

Ана тілін ұмытқан адам өз халқының өткенінен де, болашағынан да қол үзеді.

Айдарлар: Адам   Болашақ   Тіл  

Төле би жас кезінде талай жасы үлкен атақты абыз билердің алдынан өтіп батасын алады. Төле бала әуелі әкесіне барыпты. Жасы жүзге тақап отырған әкесі ынтымақ, ел бірлігі жөнінде әңгіме айтып отырады. Төле "Қалай еткенде бірлік болады, оның күші қандай болмақ" дегенді сұрайды. Сонда. әкесі әуелі жауап айтпас бұрын бір бума солқылдақ шыбық алдырады:

- Балам, мынаны сындырып көрші.
Төле буылған шыбықты олай-бұлай иіп сындыра алмайды.
- Енді сол шыбықты біртіндеп сындыршы? Төле ортасынан буылған шыбықты шешіп, біртіндеп пырт-пырт етіп оп-оңай сындыра береді. Әлібек би:
- Бұдан не түсіндің, балам? - дейді.
Сонда. Төле бала:
- Түсіндім, әке бұл мысалыңыздың мәнісі: ынтымағы, бірлігі мықты елді жау да, дау да ала алмайды. "Саяқ жүрген таяқ жейді" демекші, бірлігі, ынтымағы жоқты жау да, дау да оп-оңай алады дегеніңіз ғой. - Бәрекелде, балам, дұрыс таптың. Ел билеу үшін алдымен елді ауызбірлікке, ынтымаққа шақыра біл. "Бақ қайда барасың дегенде, ынтымаққа барамын" дегенінің мәнісі осы, - депті.

Сөзіне қарай кісі ал, Кісіге қарап сөз алма.

Айдарлар: Сөз  

Өмір сүрудің екі заңын білген адам бақытты болар. Бірі - не болса соны жей бермей, азығына талғаммен қарайтын жан; бірі - кім болса, сонымен дос болмай, айналысындағы достарын жөнімен таңдай білетін адам.

Айдарлар: Бақыт   Адам   Өмір   Дос  

Шахмат — бұл өмір.

Айдарлар: Шахмат  

Жас кезде қателесуден қорықпалық. Қайта солардан сабақ алалық. Қартайғанша қателесумен өмір өткізуден сақтасын.

Айдарлар: Өмір   Жастық шақ   Қателік  

Біз табиғаттың өзін қайта түлететін ұрпақпыз. Жер, су, ауа – адам баласының ұрпағынан ұрпағына мұра болып келе жатқан мол қазына… Әрбір ағашты, әрбір бұтақты, жалғыз дәнді де ыждағаттылықпен сақтау, қамқор болу – басты міндеттің бірі

Айдарлар: Табиғат   Ағаш  

«Оппозиция – әйеліңнен басталады» Ол сенің жанашырың.

Айдарлар: Әйел   Оппозиция  

Махаббат бір аққу құс емес пе: өзі де сәнді, әні де сәнді. Дүниеде аққудан әдемі құс бар ма? Сондай-ақ махаббаттан әдемі, одан қымбат адамға сезім бар ма?

Айдарлар: Сезім   Махаббат   Аққу  

Өмір шыңға шыққанмен бірдей. Асықпай шығасың, зымырап түсесің.

Айдарлар: Өмір   Шың  

Білікті білім жинап, кәсіп етер,
Білімнің дәмін татып, өсіп өнер.

Айдарлар: Білім   Кәсіп  

Жігер жоқ жерде, жол тұйық.

Айдарлар: Жол   Жігер  

Теңізге шыққандар ажалдан өздері мінген кеменің қалыңдығындай ғана қашықтықта жүреді.

Айдарлар: Ажал   Кеме   Теңіз