Купер Джеймс Фенимор ағыл. James Fenimore Cooper (15 қыркүйек 1789 ж., Бёрлингтон, АҚШ — 14 қыркүйек 1851ж, Куперстаун, АҚШ) - американ жазушысы. Ірі жер иеленуші семьяда туылған. Мектептен кейін Йель Университетіне түскен, бірақ оны бітірмей теңіз қызметіне (1806—1811) кеткен. 1826-33 ж. арасында Европа елдерін аралап шықты. Купер әдеби қызметін "Сақтық" (1821ж) романымен бастады. Купер есімін "Шпион"(1821ж), "Лоцман" (1823ж), "Лайонель Линколь" (1825ж) романдары әйгілі етті. Ал үндістер туралы жазылған "Могиканның соңғы тұяғы" (1826 ж), "Прерия" (1827ж), "Ізшіл"(1840ж) романдары АҚШ әдебиетіні алғаш әлемдік әдебиет арнасына шығарды. Купердің бұдан басқа "Браво" трилогиясы (1831), "Жаңа леп" (1850 ж) т.б. ромадары бар.